letzte änderung am 20. februar 2003

sternzeit 2.000,6

was gibts neues zu berichtn? hmmm ..., eichentlich net so viel, zumindest nix erfreulichs.

die alte is immer noch recht traurich, schleicht rum mit einer trauermine, heult jedn daach emal e gsetzle und dauernd tutere was anders weh - sie sacht selber, des is bsüüüchisch bedingt, weilse einfach net drüber wechkommt ...

irchendwie gfälltse mir überhaupt net momentan. wennse daheim is, liechtse bloss aufm soffa rum und schläft.

unsere zweifüsser ham sich jetz zammgetan und en verein für mich und meine freund gegründ. eichentlich wolltnse des ja scho im vorichn jahr mach, abers is nix draus worn. jednfalls jetz gibtsesn, auch wenn die hälft von dene, die letztes jahr noch mitmach wolltn, heuer den schwanz einzieht. es is ganz schnell gangen mit dem vereingründn - mir hamm en platz angebotn kriecht und hamm sofort zugegriffn, e baar telefongspräche gführt, gründungsversammlung und ...

shat einen riiiiieeeesenärcher deswechn gebn, sachicheuch!!!

naja, die leut - und hünd -, die der alten und mir wichtich sin, die sin jednfalls alle dabei - bis auf die Manuela, die will net mitmach, schad! - die Heidi wird mir scho fehln ...

ich glaub, von dem verein werd ich euch mehr erzähln wenn der erstemal richtich läuft ...