|
|
 |
|
|
 |
|
letzte änderung am 08. september 2004
sternzeit 2.617,8
dem Thomas sei geburtsdaach war widder ...
den hammer zwar gfeiert, aber der zwei leut hamm net komm
könn zum feiern und die Christl hat nix ess könn, weilsere schlecht war ...
drum war die feier net sooo lusdich jetz und mir sinn alle ziemlich früh widder heimgangn.
sternzeit 2.627,8
heut hammer gegrillt, beim Linus daheim ...
des heisst natürlich, unser zweifüsser hamm gegrillt und mit hünd hamm unterm disch gsetzn und höööchstns ab und zu emal e bröckele brot oder fleisch kriecht - aber wem erzählich des eichndlich?
viel wars widder nett, wasich abkriecht hab ...
zwischndurch simmer naus inn Linus sein gartn und hamm da rumgschnufflt und gschpielt.
buddl dürfmer net in demm sein gartn, weil da schrein die zweifüsser immer rumm, also is mir nix anders übrichgebliebn wie mich nei die sonn zu leechn, ab und zu eweng zu welchern oder dreck zu fressn ...
also, ich verrat euch jetz was: iiiirchndeiner hat scho gebuddlt an dem daach - aber ICH wars net! net dasses widder heisst ...
drum sachichs jetz nochemal ganz deutlich ...!
von middach bis abnds warn mir da ...
einmal hättn mir e baarmal fast krach mitenander kriecht, einmal ich und der Linus und des anderemal der Beethovn mitm Linus ...
der Linus is frech, der will nähmlich jetzt auch in der ohberliega mitschbiel, der freche kerl - der will sich von uns altn nix mehr saach lass ...!
der Flocke war die meiste zeit anghängt, weiler sich sonst mitm Linus in demm sein eichne gartn gebrüüchlt hätt ...
der blödl, lernt des auch nimmer ...
dabei is ER doch dann immer derjeniche, der wo die mackn hat!
es erschde mal, wiese zu zweit den Willi verhau hamm woll ...
da hat der Chris en schrmarrn am fuss und der Flocke zwei kleine löchli mittn im gsicht und auf der nas kappt - der Willi hat garnix kappt ...
e anders mal hat sich der Flocke selber beim schläächern nei die lefzn gebissn - ganzegar durch ... sacht dochemal selber, ist der net so blöht, wie die nach finster?????
die zweifüsser hättenem fast noch e ringele neigemacht, weil ander leut füre bierssing en haufn geld zahln und der Flocke kriecht des umesonst ...
die alte sacht jetzt nimmer Flocke zum Flocke, die sacht immer Skaahrfäiss zuem oder Mike, wie der zweifüsser, der wo em andern zweifüsser es ohr wechgebissn hat ...
auf Skaahrfäiss hört der Flocke sogar ...
|
|
|
|
|
|
... heiss wars und anschdrengend - und dabei sinn der Beethoven und ich garnet mit die andern mitgelaufn. DIE
hamm dir vielleicht gschnauft, wiese zu uns zurückkommn sinn, weil der weech, der war matschich und steil und ausgsehn hamm die alle, wie die säu - und net nur die hünd ...!
der Beethovn und ich mir
hamm da ja wie gsacht net mitgemüsst, weil unser zweifüsser doch net vom fleck kommn ...
des hat mich desmal aber garnet gereut, wenn ich mir anghört habb, wie die zweifüsser rumgschimpft hamm ... fix
und ferdich warnse ...
hinterher hat unser erschder vorsitznder - der baate - gsacht, dasser sich vor dere wanderung ganz arch viel gedankn über unser "alte leut" vom verein gemacht hat ...
... DES
gewöhnter sich jetzt ganz arch schnell ab ...
... weil die sinn am schnellstn gerennt - und hamm am längstn durchghaltn ...
... DIE warn immer weiiit voraus ...
... und die junge leut sinn
hinterhergchechlt und hamm gejammert ...
|
|
|
|
|
gottseidank, warn mir ja scho über e stund im biergartn vom "Schweinfurter Haus" im schattn geleechn, bis die erschdemal ankommn
sinn ...
bei dere hitz war des eh des beste, wasde an dem daach mach hast könn ...
|
|
|
|
wie die andern sich auch ausgeruht kappt hamm, simmer weitergfahrn zum badn ...
des war dann ganz arch schöö, da
habbich mich abkühl könn und die ganzn steckeli aus dem see habbich auch rausgholt ...
|
|
|
|
|
|
... und komisch ...
... in dem see sinn außer die steckeli auch noch lauter bröckeli getrocknete lunge
gschwommn ...
komisch, komisch ...!!!
|
|
|
|
|
... aber ich hab net lang überleecht und die alle aufgfressn, die ich kriech habb könn weil, ich hab mich schick
müss, dauernd sinn der Chris und der Beethovn bei mir rumgschwommn und hamm auch bröckeli gsucht ...
einmal habbich ganz schnell ausm wasser rausgemüsst, weil ich die andern den fremdn großn hund
ja schließlich net alleins angauz habb lass könn ...
da warn sich sogar der Wurschtl und der Willi und der Flocke widder einich - obwohl die sich sonst gar net mööchn.
fürs angauzn binnich
ausgschimpft worn ...
... des mechtmer net ...
... sacht die alte ...
|
|
|
|
|
|
 |
|
|
|
aufm heimweech hatts dann runterghaut, dass die Edith fast nimmer gsehn hat, wose hinfährt! gottseidank hats aber net lang
gedauert, weil sonst der beh-emm-weh scho widder kaputt gangen wär ...
ganz am end hammer noch die katz vom Chris besucht, aber die war net da ...
des heisst DA war die scho ...
... aber der Thomas hattse gleich hintn neis büro gschberrt ... schad ...
ansonstn lauter nix gscheits - dem Volker sei mamma is gschdorbn und der Bea ihr babba auch ...
wennsde naufn blatz kommst, machn die zweifüsser krach - weil mir hamm doch jetztert en rasnmäer ...
en kleine aber bloss, und wennse eendlich untn ferdichgemäht hamm, dann dürfnse obn scho widder anfang, weil des gras scho widder gewachsn is und der blatz so gross is und der rasnmäher ebn so klein ...
die alte meint immer widder mer bräuchert halt en sbonsohr, der wo uns en grossn rasnmäher schenkt, aber ich kann kein find ...
ich such ja scho alles nachm sbonsohr ab, sogar unter die blahne, da wo die rattn ihrn bau hamm ...
... aber da is auch keiner drunter ...
sonst noch ... ?
heiss isses, ab und zu gewitterts wie blöht - waxwetter sachn die zweifüsser ...
und des gras wäxt und wäxt - vor allm der klee, der wäxt am schnellstn ...
ach ja ...!
fast hättichs vergessn ...
mir hamm widder angfangt und schlappn widder durch die stadt - alle hünd hoch ...
also nääääh ..., DES wär doch net nödich - obwohl ...
bei die nordsee liecht immer was zum essn rum ...
nach oben
|
|
