|
und hat net gewisst, wasser mach soll, weil der Monello is dann ja auch einfach weitergangn, so als ob kei Flocke dawär .
. und der Rosso hatn ja auch net angeguckt.
der arme Flocke hat eim scho fast leid duh könn .!
. der is aufm blatz rumgelaufn - hin und her - und hat nix mehr verstandn, weil die zwei net mitgschbielt hamm und
sich net mitm gschläächert hamm. weil, wenners widder versucht hat, wars es selbe schbiel widder .
. ganz bedröbblt warer, der arme buh, hat rumgepfiempft und is - in sicherm abschdand - immer hinter dem Monello
oderm Rosso hergelaufn, weil hingetraut hatter sich ja nimmer .
. irchndwann hatn sei mamma dann erlöst und hatm gschrien, dasser zuere komm soll und da hätt ihremal seh müss, wie schnell der zu seiner mamma
gerennt is .!
3.392,10
des wetter war so schlecht in demm mohnat, unds hat nur gereechnt und war kalt, und
drumm hammir unser sommerfest vom verein verschieb müss .
. und weil jetzt an dem daach, wo des sommerfest eichndlich sei hat soll, die meistn von
die zweifüsser net schaff müssn, hamm einiche beschlossn - dreimahl dürfter rat, wer sei nase da widder ganz vorn drin dabei kappt hat -, mir dreffn uns beim Barry und grilln in
demm seim gartn. und des hamm die zweifüsser dann auch gemacht. der Barry hat ja e eichns haus mit seine leut under hat en groossn windergartn und da hammer uns neisetz
könn und sinn net nass worn, wenns gereechnt hat und draußn auf der derasse hat der Frank die zwei grills angschührt kappt und auf demm eine wares fleisch geleechn und auf
dem andern sgemühs. diesmahl habbich sogar einiches erbeut könn, denn die alte war wohl gut gelaunt und hat mich underm disch fleissich mit fleisch und gemühs versorcht.
zwischndurch hats immeremal gereechnt, aber mir warn schö gemühtlich im windergartn ghockt. mir hünd sinn immer widderemahl naus nein gartn oder auf die derasse ghüpft
und hamm rumgschnufflt und einmahl simmer gassigangn, aber des war blohs, weil die zweifüsser ausbrobier hamm woll, ob sich der Leo net doch mitm Rosso undm Monello
verdraach däht, weil der wollt die am liebstn auffress. sis aber net gangn und dann hammse des verschobn des miteinander verdraachn, bis die Andrea widderemal aufn
blatz naufkommt und mer den Leo mit die zwei renn lass kann .
sternzeit 3.397,10
heut hammer ganz frühs aufschdeh müss, weil uns der Peter abgholt hat, weil mir zusammn aufe seminar gfahrn sinn. da hammer schonemal drei schdund fahr müss, bissmer dort warn und dann war des .
. na ja, ich schweiche darüber lieber, weilich binn ja hööflich .
. nur ., na ja, e bissele kannich euch ja doch erzähl.
also, wie gsacht, mir sinn nach drei schdund da ankommn und hamm gleich widder im
audoh wart müss, mir hünd - oder vielmehr wart SOLL, weil die alte hat lieber mit mir draußn vorm audoh gewart, weilmer ja net weiss, wenn mir drei hünd in dem audoh alleins sinn .
. nacher gibt des noch mord- und dohtschlaach .
die ganzn andern zweifüsser - der Peter auch - sinn dann übern blatz nach untn gelaufn und mir hamm gewart .
. und gewart .
. und wiese kommn sinn, hatt der Peter scho die auchn gerollt und gemeint, sie hamm jetzt e vierdlschdund gebraucht, um auszumachn, wer mit welchm hund wo sitz kann .
. und ER mit seinere zwei sedder hätt alles durchenannergebracht, weilmer mit IHM net gerechnt kappt hätt, dasser ZWEI hünd dabei hat.
na ja, dann hammer eendlich nuntertippl dürf ins zelt und uns hinsetz dürf, wo die uns gsacht hat .
. und dann hammer uns noch dreimahl umsetz müss, weils net gangn is, weil sich immer
widder hünd aufgführt hamm und net beienander sitz hamm woll und weil DIE kein schdress habb habb soll, drum hamm dann MIR den schdress kappt .
. so isses eichntlich des ganze seminar zugangn .
. und nachere sdchdund warn dann doch die meistn hünd widder in die audohs gsetzn .
. weilse schdress kappt hamm.
wennder mich fraacht, die hamm kein schdress kappt, die warn einfach nix gezoochn. den
schdress hamm mir drei kappt und unser zweifüsser.
. neus hat die frau auch net erzählt . und .
. e kloh für die zweifüsser hats auch net gebn und drum hat die alte zweimahl im
gebüsch verschwind müss - DES war dir vielleicht beinlich . ! weil, ICH hab mitdapp müss . !
der blatz war schö, aber mir hünd hamm eichndlich net da rumrenn dürf soll .
. aber der alten war des wurscht undm Peter auch und drum warn mir die einzichn hünd, die wenichstns zweimal an demm daach uns ausschbring hamm könn und rumschnuffl.
und dann hatte anderer mann sei kleins windhundbäbi auch mit uns mitschbring lass und des rumschbringn war des einziche guhte an dem seminar, wennder mich fraacht .
die andern hünd hamm net schbring dürf und die meistn warn, wie ich euch ja scho derzählt hab, sogar die meiste zeit im audoh ghockt. ei frau hat gsacht, dasse 6 stundn
gfahrn is, daführ dass ihr hund jetz auch widder blohs im audoh rumhockt und drum isse nachm middachessn auch heimgfahn, wies gheissn hat, ihr hund soll widder neis audoh.
nachmiddachs simmer dann widder drei schdundn über die audohbahn heimgfahrn .
was war sonst noch so los in demm mohnat . ?
. hmmm, eichndlich nix .
. mir gehen wie immer am wochnend zum dräihning und am dienstag zu die altn leut .
. manchmal fahrn mir abnds naufn blatz, damit ich die mäus alle wechfang kann, die wo
da obn rumlaufn - und vielleicht derwisch ich ja auch emahl den has, den wo der Flocke und ich schonemahl in die kuhr kappt hamm .
. und öftersch treffn mir uns da obn mitm Rosso undm Monello und denne ihre leut .
. und dann gehn mir manchmal mit heim zu dene und sitzn auf dere ihrer derasse .
. abnds simmer jetzt öfter auchemal daheim, weil der alten gehts allewall net so guht
und drum willse ihr ruh hab und mir fliechn net jedn abnd draußn rumm .
. e baar geburtsdäächer hammer gfeiert und e baarmal warmer zum grilln eingelaadn und da is dann meistns für mich auch was abgfalln .
. beim Flocke im gartn binnich rumgschbrungn - und widder net nei bei die karnickl kommn .
sonst war eichndlich nix los . halt, doch .
. der Chris hat sich en zahn ausgebissn, am Rosso .
. hat scheints genau auf den hakkn vom halsband gebissn kappt und dann warer krumm dringhängt im maul, der zahn .
. einer von die obern langn .
. und dann hamm mir den Chris und die Edith gleich zum dokter gfahrn und der hatn dann rausgerupft, den zahn .
. und jetzt hat der Chris blohs noch 3 von die langn zähn .
ach ja, dem Chris sei katz is auch krank, ganz arch krank sogar .
. dere wächst irchndwas am gedärm und jetz hatse dauernd die scheisserei und frisst
und frisst und wird drotzdem immer wenicher - sie is scho blohs noch haut und knochn .
. und die Edith mussere lauter guhte bissli gebb, damitse widder zunimmt, weil SO kann der dokter se net obberier .
nach oben
|
