|
|
 |
letzte änderung am 1. mai 2007
3.628,10
hmmm ..., hoffndlich kriechich noch alles zamm, was mir alles gemacht hamm ...
da war zuerschdemal unser osterfest vom verein ...
... des war des jahr widderemahl aufm blatz obn. unser zweifühser hamm bierbänk aufgebaut und da wahrn dann die leut ghockt und hamm kaffee gedrunkn und kuchn
gessn und hamm geraatscht.
|
|
|
|
|
|
für uns hünd hammse en barkuhr aufgebaut kappt, da wo mir durchlauf hamm müss und dafür hats dann en sack voll guddelichs
gebn. ich hab nadührlich erschd ganz zum schluss mei säckle mir verdien dürf mit der Sabrina, weil die alte hat an dem daach kei zeit führ mich kappt.
|
|
|
|
|
vorm blatz – da wo mir hünd leider net hingekönnt hamm - warn die ostereier verschdecklt und die Doris hat mit die kinder
gsucht, damitse auch e jeds sei nestle find. schad, dass keiner von die zweifühser die kinder foddografiert hat, wiese ihr nestli suchn. es hat blohs e jeder uns hünd aufgenommn.
|
|
|
|
|
|
 |
|
|
|
 |
|
|
|
 |
|
|
|
wie mir hünd alle ferdich warn und wie alle kinder ihr nestle kappt hamm, sinn mir hünd abwexlnd aufm blatz miteinander rumgschbrungn. e
jeder von uns hatemal neigedürft und sich ausdohb könn.
... und die kinder sinn dann auchemal durch den dunnl gekrabblt und mitm wäächele rumgfahrn und sinn auch aufm blatz rumgedohbt.
die alte is bei die
leut ghockt und hat mitne geredd und nache viertlschdund isse weitergezoochn zum näxtn disch und hat mit andere leut geredd. die wahr ganz schö mühd und hat gemeint, dass des scho arch anschdrengnd is, wemmer so
die onööhrs macht.
geechn abnd, wie alle leut fort warn, hamm unser zweifüsser aufgeräumt und dann simmer heimgfahrn ...
... mir hats gfalln und ich hab mei säckle gleich aufgfressn ...
am näxtn daach simmer nei die Rööhn gfahrn, ich und der Chris und der Beethovn und der Barry und die Flocke ...
|
|
|
|
... und nadührlich hammer unser zweifühser auch dabeikappt. obn in die Rööhn simmer rumgelaufn ...
... des machn mir ja öftersch ...
des junge gemühs is weit gelaufn ...
... und ich und der Beethovn hamm e kürzere runde gedreht mit unsere zwei altn ...
... mir warn blohs e stund unterweechs, weil unser weech ja blohs zweiehalb
kilometer lang war. die andern sinn 12 kilometer quer über stock und stein gelaufn und hamm beschdimmt 5 stund gebraucht, bisse wiedder bei uns warn.
während mir auf die andern gewart hamm, warn mir in die
wirtschaft in der sonn ghockt und hamm uns ausgeruht und ...
... die alte hat über ihrn fuss gejammert ...
... stuuuundnlang hamm mir gewart, bis die andern kommn sinn. in der zwischnzeit hamm die alte und
die Anita immer widder nette leut gfundn zum raatschn ...
wie die andern auch ferdich warn mit in der geechnd rumlaufn, hamm die zweifüsser noch was gessn und getrunkn ...
... und dann simmer heimgfahrn ...
...swar e schöner daach ...
sternzeit 3.641,10
ich und die alte hamm mahl widder ein seminahr gemacht, e drähnerseminahr ...
... diesmahl mit der Viviane Theby ...
... und scho war widder e ganzes wochenend kabutt ...
|
|
|
|
|
|
frühs simmer hingfahrn und die zweifühser hamm mitenander gfrühstückt und dann isses losgangn, zuerscht mit die deohrie. die
hat so ein, zwei schdundn gedauert und dann simmer naus aufn blatz gangn und hamm da braktische ühbungn gemacht ...
|
|
|
|
|
... diesmahl hat mich nix gerett, ich hab da auch mitmach müss. net bei alle ühbungn, weil ich bin ja alt unds war scho ganz
schö warm an die zwei daach ...
... aber einiches is mir doch net erschbahrt gebliebn. naja, sooo schlimm wars ja eichndlich net, ich kann ja alles unds war nix dabei, was mir net schonemal ghört
kappt hamm oder scho selber gemacht kappt hamm und drum isses gut gelaufn.
zwischndurch, in die bausn, simmer gassi gangn in die felder ...
... und schwimmn im bächle warich auch ...
|
|
|
|
|
|
|
|
alles in allem warns zwei ganz angenehme daach und ich hab etliches an guddelichs erbeut könn ...
... einmal fürs bravsein
und zum andern dann beim ühbn ...
|
|
|
|
|
abnds nachm seminahr warn mir noch mit die leut von demm verein zammghockt und abnds sinmir heimgfahrn. der alten hats gut gfalln, des
seminahr und die leut warn auch nett geweesn.
sternzeit, 3.648,10
so bald ... ?
|
|
|
|
|
|
weils scho so warm is, hat mich die alte heuer scho viel früher gschert, wie sonst. stuuuundnlang warich aufm disch ghockt und
hab stillghaltn, währendse an mir rumgschert hat und en haufn haar runterschnittn hat von mir.
schlecht is des net, weil jetzt is mir wenichstns nimmer so warm und ich kann widder viel besser
rumschbring ...
|
|
|
|
|
... tja, so is des halt ...
... habbich mir gleich an demm daach noch en junge has gfangt ...
... naja, sie hats mich net
dohtmach lass, die alte, weil die is doof ...
... dabei hättmer des doch ess könn, des häsle ...
... aber näh, ich habs leb lass müss ...
... aber gfangt is gfangt ...
... und des wär
ratzifatzi doht gemacht gewesn ...
... wennse mich blohs gelassn hätt ...
|
|
|
|
|
|
des häsle war bei uns aufm blatz im gebüsch rumghockt und wie ich da so rumschdrohmer übern blatz ...
... habbichs gfundn und wies davongerennt is ...
... binnich hinterher und habs auch gleich kappt ...
... leider hat der blöhde has dann aber soo gschrien, dass die alte was gemerkt hat und die hat
nadührlich gleich widder „AUS“ und „PFUI IS DAS“ schrei müss ...
... und da habbichn lauflass müss ...
... schad ... ! der hätt mir beschdimmt guhd gschmeckt ...!
naja, und dann warer wech und ich habn nimmer find könn – auch am näxtn daach net ...
... aber dafür habbich jetzt e loch in unserm zaun gfundn und kann da immer naus ausm blatz ...
... und wenn die alte net herguckt ...
... dann kann ich draußn aufm Schlotter seim ganzn gelände rumlauf ...
... und da gibts auch hasn ...
... ganz, ganz viele ...
... da braucht die alte sich
garnet an kopf lang und grins - ich schmier die scho widder emal aus ...
... iiirchndwann ... !!!
nach oben
|
|
