Home
Freddie
Tagebuch
Januar
Februar
Maerz
April
Mai
Juni
Juli
August
September
Oktober
November
Dezember
Januar 2007

letzte änderung am 30. januar 2007

 

 sternzeit 3.531,10

eeeeichndlich hammer mit die fackln im dunkln rumlauf woll …
… aber dann hats gereechnt und der wind hat sooo arch geblasn, dass die erschde veranschdaldung heuer von unserm verein buchstähblich vom winde verweht, neis wasser gfalln is.


überhaupt is heuer e ganz komischs wetter drausn. es is ball wärmer wie im märz und die vööcheli singn und überall blühn noch die blümmli – odder scho widder …
… unds reechnt und der wind bläst dich ball fort …
… basstemal auf, im märz schneierts dann widder und mir friern uns den sowieso ab …
eichndlich simmer ganz froh, dassmer bei demm wettern net so oft naufn blatz müssn …
es is auch so genuch los, in dem monat …

die alte und ich hamm widder emal leut besucht, die sich en hund ausm waisnhaus hol wolln …
… des heisst, mich hatse im audoh wart lass, weil die leut hamm scho 8 hünd kappt – große – und da wolltse mich doch net mit neinemm zu denne …
… also isse mitm Moritz und der Nina seinere mamma und babba alleins in des haus nei …
… und hat geguckt, obs dene 8 hünd gut geht und ob mer da noch en 9. hund dazu duh kann …
… swar schö bei denne und die hünd warn alle brav und hamm gut ausgsehn, hammse gsacht und die alte und die andern zwei hamm da nix dageechn kappt, dassmer da noch en 9. hund dazu duht …

ja, was noch … ?
… ach ja, die reste hammer noch aufgfressn, die wo vom schlimmstn daach übrichgebliebn warn und die zweifüsser hamm auch widder mitenander gschbielt – für mich war des aber net so intressant, weils wetter so schlecht war und ich net nausgekönnt hab nein gartn …

… und dann war der Radio Charivari im alte leuthaus, bei uns …
… und swar widder e mords aufreechung weche nix …
… war alles wie immer, blohs, dass dem Linus sei mamma auch widder dabei war und diesmal hatse sogar noch den Linus sein babba mitgebracht kappt …
… und es näxte mal kommt dann vielleicht …
… binnich jetzt im fernseehn … ???

… der alten ihrn geburtsdaach hammer gfeiert, in die wirtschaft …
… und zu die weeitwotschers gemmer widder, jedn donnersdaach und drum gibts jetzt widder gsunds essn mit vieeeeel gemühs und so …


 
sternzeit 3.548,10

heut is die alte scho viel früher heimkommn von der arbeit wie sonst …
… weils gheissn hat, es kommt e orrkahn und der bläst alles wech …
… und drum warn mir dann auch net bei die weeitwotschers, sondern sinn in unserer wohnung ghockt und hamm uns gfürcht …
… weil naus haste ja net gekönnt, weil bei uns vorne naus, da falln dir die ziechl vom dach aufn kopf …
… und hintn naus, da derschlaachn dich die großn bäum …
… von die babbln sinn scho en haufn dicke äst runtergfalln gewesn, bevor der orrkahn überhaupt richdich losgangn is und die große danne hat alle bahr minutn bei uns am wohnzimmerfenster angeklopft …

… na ja, gottseidank wars in der näxtn früh dann vorbei und UNS hats net gedroffn kappt, bei uns war nix kaputt …
… unsern Dwingoh hammer über nacht in der garaasch eingschberrt kappt und mir sinn net nausgangn …
aber sonst war überall viel kaputt und es allererschde mahl sinn kei züüch mehr gfahrn und kei strassnbahn …
… da hättich sowieso net nausgebraucht, wenn die eisnbahn net fährt …

06 dez platz
06 dez platz1

aufm blatz is des drähnung ausgfalln geweesn, weil der Kührill, so hat der orrkahn gheissn, hat auf unserm ganzn blatz überall hinmarkiert kappt …
… und des könnter euch ja gedenk …
… wenn soe orrkahn irchndwohin markiert und rumbieslt …
… der ganze blatz war unter wasser gschdandn und mer wär dersoffn, wenn mer da üb hät woll …

na ja, dem Chris und mir hätts wurscht sei könn, weil mir wärn sowieso net dageweesn, weil die alte is mit der Edith nach Frankfurt gfahrn.
der Chris hat daheimbleib dürf, bei seim babba, aber mich hammse mitgezerrt. *seufz*
zur abwexlung emal net unterm disch, sondern nebn em ofn liech und brav sei en halbn daach, weil die zwei weiber die änderunge von die brühfungsordnung vom obiedjenz hör hamm woll …
… also ICH will kei obiedjenz net mach …

… und abnds warn ich und die alte dann bei der Tante Helga zum racklett eingeladen …
… lecker fleisch habbich gfressn … *schleck* *schmatz*
… und so hat sich der daach dann doch noch gelohnt …

ja, und der Kührill, der hat uns dann den winter doch noch mitgebracht …
… und über nacht is alles weiss gewesn unds war richdich kalt …


sternzeit 3.552,10

die Dorredeh hat uns besucht und unserne zweifüsser was erzählt. eichndlich hamm unser zweifüsser nunter zur Dorredeh fahr woll, aber weilse da dreimal nuntergemüsst hättn, hat der Michl gemeint, mir fraachnse mahl, obse net zu uns komm und des drähnerseminahr an eim wochnend bei uns mach will. die Dorredeh hat ja gsacht und drumm hammer des seminahr dann bei uns aufm blatz gemacht.

07 trainer

früh simmer zum bahnhof gfahrn, ich und die alte. ich hab des audoh bewach müss und die alte hat sich im bahnhof die füss nein bauch gschdandn, weil die eisnbahn nadührlich widder net bünktlich gewesn is. e ganze halbe stund hammer gewart, bis der zuuch dann endlich da war und mir nach Rimbahr fahr hamm könn.

aufm blatz binnich erschdemal gepfleecht im schnee rumgschbrungn und hab alles kontrolliert, ob da auch keiner geweesn is und ob die mäus oder die karnickl net doch irchndwo sinn.

07 trainer1
07 trainer3

unser zweifüsser hamm derweil im kondähner warm gemacht kappt und kaffe gekocht und essn und drinkn aufn disch gschdellt, dass auch keiner verhunger muss.

wie dann auch noch der Fax und die Joy da warn, hamm sich die zweifüsser alle umn disch rum ghockt und der Dorredeh zughört, wie die derzählt hat, wiemer des macht, wemmer die leut von die hünd was beibring will, weil des wär viel wichticher und auch schwiericher, wie uns hünd zu zeichn, wiemer sitz oder blatz mecht, weil MIR kapiern des gleich, des sitz und des blatz ...
... vieeeeel schneller als wie die zweifüsser ...

07 trainer502

derweil war ich auf der eckbank ghockt und hab entweder gschlafn oder die muckn gejaacht, die wo von die wärm aufgewacht sinn. der Fax und die Joy sinn am bodn rumgelaufn und rumgeleechn. die Joy hat mich zwischndurch immer widder genervt, weil die hat schbiel woll und der Fax hat ab und zu rumgepfiempft. manchmal hammer e bause gemacht und sinn naus in die kält und sinn rumgelaufn. ein wind war und am erschdn daach von dem seminar hats gschneiert und am zweitn dann den ganzn schnee widder wechgereechnt und der wind is immer schlimmer worn – der hat soo geblasn, dass die markiehse aufm dach von unserm kondähner dauernd hin- und hergebollert is und ein krach gemacht hat, dassmer garnet schlaff hat könn.
am erschdn daach is gleich zu anfangs einer auf der derasse im schnee ausgerutscht und hingfloochn ...
... naja, ich brauch euch ja eiiichndlich garnet zu saachn, wer des war ...
... wer fliecht scho hin ... ? die alte nadührlich ... !
... und jetz is ihr kaputter fuss scho widder kaputt ... !
... und mer muss noch froh sei, dass ihr kaputts knie net kaputt is, sondern blohs der kaputte knöchl ...
näah ...., näääh ..., nääähhh ..., weilse sich auch immer so dumm anschdellt ...
... und ICH muss widder leid, weil SIE net lauf kann ... !!!!
... von dem zeitpunkt an hat die alte dann bei dem seminahr schnapp müss und nimmer so viel mit draußn rummlauf und zuguck könn, wie die andern brakdische ühbungn gemacht hamm. dazu hammse sich die Flocke beschdellt kappt und den Floh und den Skippy ...

07 trainer2

... und dann hat immer einer von unsere drähner mitne ühm müss – und die Dorredeh hat zugeguckt und die andern hamm sich aufschreib müss, wassne aufgfalln is, wasne guht gfalln kappt hat und was net ...

... und ich bin derweil rumgelaufn mitm Fax und der Joy und mir hamm gschnüfflt und mitenander gschbielt, des heisst, der Fax hat zwar mit mir schbiel woll, aber ich net mit ihm und dann hatter halt widder mit seinere Joy gschbielt.

07 trainer4
07 trainer6

am näxtn daach hat die Christl dann den Flocke mitgebracht und der hat mitm Fax es anenandervorbeilauf und sich net aufführ ühb müss und des hat auch gut geklappt – es hat sich keiner von die zwei aufgebisst, keiner hat gegauzt oder gebrummlt. die hamm alle zwei ganz brahv ihr guddelichs vom bodn zammgeleesn und aufgfressn ...

... und danach war dann widder dehorieh im kondähner und die zweifüsser warn alle frohs drum, weil die warn ganzegar durchgfrohrn weechn dem wind und die kält.
zum schluss hat die Dorredeh dann noch derzählt, dass die zweifüsser alle vier ohrn hamm und net blohs zwei, wie mir hünd ...
... aber des glaubich net, des is beschdimmt geloochn, denn sonst könnertn die zweifüsser doch viel besser hör.

ach ja, nachm erschdn daach, abnds, da bin ich mit der alten undm Chris und ET noch mit die Dorredeh nach Underbleichfeld zum essn gfahrn und hinterher simmer dann alle noch nach Würzburch nei und hamm e schdattrundfahrt im dunkln gemacht. erscht is der Dommas nauf die Sdeinburch gfahrn und mir hamm von obn runtergeglotzt aufn Main und auf die schdatt ...
... und dann warnmer noch untn in der schdatt und sinn am Dohm vorbeigfahrn und an der Ressidentz und an der Neubaukirche und so ...
... und dann hammer die Dorredeh in ihr hodell gfahrn und sinn heim.
und am zweitn daach abnds hamm ich und die alte dann die Dorredeh widder zum zuuch gfahrn ...
... und dann simmer heim und hamm gejammert – des heisst, die alte hat gejammert, weilere der fuss so weh gedahn hat ...
... ich hab gschlahfn ...

 

nach oben

 

 

replica uhren