letzte änderung am 10. februar 2008

sternzeit 3.843,11

jetzt is der Onkl Manfred scho widder ins krankeleuthaus kommn … !

… und dabei warer doch erschd so lang da dort geleechn, halt blohs woanders. jetzt liechter da, wo die alte jedn daach hingeht zum schaffn und die Tante Helga auch. mich lassnse da ja net nei und drumm kannich nur des erzähl, was mir die alte erzählt. der Onkl Manfred hat erschd zwei wochn gschlaafn, weilne die doktersch was gebn hamm, des womer künstliches komma nennt. der muss schlahf, weiler von seim unfall im sommer her noch e subdurahlhämmadohm hat und des is arch schlimm, wemmer en schlaachanfall auch noch hat. weil für den schlaachanfall müssn die doktersch des bluhd ganz dürr mach und dann däht aber des subdurahldings noch mehr anfang zum bluhdn …
… und wemmer des bluhd net dürr macht, dann kommts gar nimmer durch die aadern durch …

der Onkl Manfred is arch krank und keiner weiss, obber nochemahl ausm krankeleuthaus lebich rauskommt.

3.844,11

die alte hat noch überleecht, obse zu dem seminahr überhaupt hingeh soll, aber swar scho bezahlt und wenn mitm Onkl Manfred noch was gewesn wär, dann wärn mir ganz schnell heimgfahrn. und drum simmer doch hingangn zur Silvia. swar widder in ihrm keller gewehsn und diesmahl habbich noch viel länger im audoh wart müss, weil da auch widder hünd dabei warn, die sich net benemm könne und die hättn rumgegauzt, wennse mich gsehn hättn.

diesmahl hat eine unsere zweifüsser was vom essn erzählt. also, des was mir hünd ess solln, meinich. mich hat des net so indressiert, mir is wurscht, wasses zum essn gibt, hauptsach viel unds schmeckt. naja, so gaaaanz wurscht isses net, weils schmeckt scho besser, wenns kei soe drockns zeuch is. und des ganze bullfer brauchich auch net drin, des wo ich früher bei der Lucky immer drin mitfress hab müss …
… aber des duht die alte ja auch gar nimmer nei – scho lang nimmer …
… is doch eh alles für die katz – dann soll die des auch fress, die katz, ich machs net.

wo warich jetzt … ?
… ach so, ja, des seminahr übers essn ...

... aufm disch hammse en haufn essn liechn kappt und jeder hats emahl anguck dürf – blohs ich widder net … !
… dabei wärich glaubich der einziche gewehsn, der des alles fress hät könn, denn die zweifüsser ihr zähn sinn doch viel zu klein, die könne so lecker zeuch garnet beiss …
… des war scho gemein, des verzei ich denne net so schnell …

des semiahr war scheints recht indressant, weil die alte und die Mahrdiena sich aufm heimweech immer drüber unterhaltn hamm, wasse jetzt anders machen, wennse uns zu fressn gebn und was mir neus kriechn. mir is wie gsacht wurscht, hauptsach ich kriech was gscheits, weil jetzt im winter gibt’s kaum noch mäus, da kannich jetzt nimmer selber für mich sorch und an die mülldonn lässt mich die alte ja garnet hingeh. dabei wär da noch soo viel guhds zeuch drin, des könntmer alles noch ess.

sternzeit 3.853,11

was sollich euch saach …
… ich hab e neus audoh …
… hätt keiner mit gerechnt, dassich so schnell e neus audoh kriech …
des alte war halt scho ziemlich kabutt und weils in e baar wochn zum düff gemüsst hätt, und noch einiches dran so scho nix mehr geweesn is …

… hammir uns e neus audoh gekauft – naja, net gekauft, weil mir hamm doch kei geld, und drum hammers geliehst. abers ghört drotzdem mir … ;)))
… könnt ihr ja auf dem foddo seh – MEIN audoh … !!!

hmmm …, plöhd is blohs, dassich nimmer vorne drin sitz dürf, sondern immer hintn nei muss …

ansonstn … ?
… nix ansonstn …
… nix neus indressants, bissness as juschuall …
… und mir renne rumm und suchn käschs …
… wo mir scho überall gewehsn sinn, da kommste rum, sachich euch

nach oben