letzte änderung am 10. februar 2008

sternzeit 3.747,11

nochemahl in die Röhn gfahrn …
… und schö badn gangn …
… viel kannich heut nimmer saach, weil die alte, nä?, die hat ja kei zeit kappt, des damahls aufzuschreibn …
… und jetz isses scho näxtes jahr und ich muss des alles aus meim gedächdnis erzähl ..

schö wars jednfalls …
… erschd simmer wie gsacht beim flüssle gassi gangn und hamm gebadn und stöckli ausm wasser gholt und dann simmer nauf die ruihne gfahrn und hamm brav unterm disch geleechn, wie die zweifüsser ihrn kaffe und kuchn gessn hamm …
… hinterher simmer durchn wald gelaufn …

… und wiemer widder beim audoh warn, is die Schanett wechgewesn und mir hammse such müss …
… lang warse net fort, der Thomas issere mitm audoh nachgfahrn und hatse außere wiese rausgezoochn …
... ich glaub, die is da an dem elektrischn zaun hinkommn gewesn und is fürchterlich derschrockn, weilse ganz durchenander war, wiemerse widder eingfangt kappt hamm …
… naja, wiese widder da war simmer weitergfahrn …

sternzeit 3.757,11

den wanderdaach von unserm verein hamm mir – die alte und ich – net mitgemacht …
… mir sinn escht spähter zum essn hin, in biergartn …
… swar uns vieeeel zu heiss und auf dem weech hats ja kein schattn gebn …
… drum kannich euch auch kei foddos zeich, weil im biergartn hat dann keiner mehr foddografiert …
... aber die andern hamm mir derzählt, dassich nix versäumt hätt, weil da warn en haufn zweifüsser underweechs und mer hätt aufbass müss, dass die ein net dohtfahrn mit ihre fahrräder …
… neis wasser hat mer blohs an e baar stelln gekönnt und kein schattn hats net gebn …

da warn mir scho besser dran, ich und der Chris und die Schanett …
… mir warn in dem biergartn schö im schattn ghockt – UNS wärs zum laufn vieeeel zu heiss gewesn…

zwei daach schbähter warn mir bei der Lara undm Felix eingeladn …
… in ihrm altn durm …
… da wird schö langsam e richdichs haus draus und die alte sacht, dasse da scho gern wohn däht, wennse jünger wär, weil mit ihre altn knochn dähtse die steiln schdiechn nimmer naufkomm …
… naja, naufkomm vielleicht scho, aber nunter – obwohl nunter könnerts aus jedn fall komm, wennmer eweng schubbst. *hihihi*

bei der Lara is halt e jeds zimmer innem eichene schdockwerk, weil, ich hab euch ja scho derzählt, wenner euch erinner könnt, dass die Lara und ihre leut – und der Felix – innem altn weerdurm wohne, der wo scho über dreihunnert jahr alt is und gaanz dicke mauern hat. wo war ich jetzt … ?
 

ach ja, mir warn da eingeladn unds war schö – wie immer …
… und weil die Schanett dabeiwar, hammer auch vieeel schbass kappt, wenn ihr wisst, was ich mein … ;)))

was war sonst noch … ?
… der Onkl Manfred is ausm krankeleuthaus herausn und „in die reha gfahrn“ …
… und ich und die alte hammen mit der Tante Helga besucht. der Onkl Manfred kann scho widder mitm rollwäachele oder mit zwei schdeckn lauf, ganz langsam und ich glaub, sei bein is scho widder zammgewachsn und außerdem hatter ja auch näächl drin.
anfangs hatts noch so ausgsehn, wie e daach im audoh fürn Freddie …
… aber dann simmer fortgfahrn und im wald rumgelaufn und aufere altn burch warnmer …
… der Onkl Manfred und sei frau hamm sich da zu andere leut hingsetzt, weil da war e festle auf dere burch und ich bin mit der alten durchn wald gelaufn, weil auf dem festle war soo laut, weil musik gschbielt worn is und die lautschbrecher ganz nah bei uns gschdandn sinn und drum simmer nach fünf minutn widder gangn. war schö im wald und beinah hättich mir eins von die kinder von denne schwarzn viecher gfangt, aber die alte hat mich gelassn, weilse angst vor seinere mutter kappt hat - sie sacht, die sinn arch gfährlich, vor allm, wennse bähbis hamm …
… pffft …, die hätt blohs komm soll …! ich hab kei angst vorere …
… hmmm …, oder doch … ?
… naja, jednfalls is des kleine dingele schreiend vor mir davongelaufn, ins gebüsch nei und mir sinn umgedreht und gaanz schnell da verschwundn, weil mer hattse schnaufn ghört und grunzn und die alte hat scho gedacht, die sinn hinter uns her und sinn schnell zum audoh, dassmer uns verschdeckl könne, wennse kommn …

… aber die sinn dann doch net hinter uns her.

nach oben